• Tamil
  • English
  • HOME
  • VIEW
  • POOJA DETAILS
  • FESTIVALS
  • MIRACLES
  • SPECIAL FEATURES
  • OTHERS
  • CONTACT US
திருக்கோயில் வரலாறு
இச்சுற்று வட்டார கிராம மக்கள் தங்கள் ஆடு, மாடுகளை மேய்ப்பதற்கு இவ்வனப்பகுதிகளுக்குச் செல்வது வழக்கம். இம்மக்கள் மாடுகளுக்குப் பட்டிகள் அமைத்து வனப்பகுதிலேயே தங்கிக்கொள்வார்கள். தினசரி காலையில் மாடுகளை மேய்ப்பதற்கு ஓட்டிச்செல்வார்கள். பின்னர் மாலையில் ஓட்டிவந்து பட்டியில் அடைப்பார்கள். காலையிலும், மாலையிலும் பாலைக் கறந்து மாட்டின் உரிமையாளருக்கு கொடுப்பார்கள்.
 
சுமார் 300 ஆண்டுகளுக்கு முன்பு தற்போது திருக்கோயில் உள்ள இடம் அடர்ந்த வனப்பகுதியாக இருந்தது. இவ்விடத்தில் வற்றாத காட்டாறு ஓடிக்கொண்டே இருக்கும். காட்டாற்றின் பெயரோ தோரணப்பள்ளம் என்பதாகும். இக்காட்டாறு இத்தலத்தின் மேற்குப்புறத்தில் உள்ளது. திம்பம் மலையின் அடிவாரத்தில் தென்மாரி தெய்வத்தின் அவதாரம் நிகழப்போகிறது என்பதை உலகினுக்கு அறிவிக்கவோ என்னவோ இக்காட்டாற்றின் துறையில் பசுவும், புலியும் ஓரே இடத்தில் நீர் குடிக்கும் நிகழ்வுகள் நிகழ்ந்துள்ளன.
 
பசு மற்றும் சுயம்புலிங்கம்
 
 
ஓரு பட்டியிலிருந்த காராம் பசு ஓன்று கறக்கச் சென்றால் கறப்பதற்கு நில்லாமல் தன் கன்றுக்கு கொடுக்காமல் இருப்பதை மாடுகளை மேய்ப்போன் அறிந்தான். மறுநாள் மாட்டினைப் பின்தொடர்ந்து சென்று கவனித்தான். அப்பசு தன் பாலை தினந்தோறும் ஓரு வேங்கை மரத்தின் அடியில் கணாங்குப் புற்கள் சூழ்ந்த ஓரு குறிப்பிட்ட இடத்தில் தன்னிச்சையாகப் பொழிவதை மறைவிலிருந்து பார்த்தான். இந்நிகழ்ச்சியைக் கண்ணுற்ற அவன் மறுநாள் சுற்றுவட்டார கிராம மக்கள் ஊர் பெரியோர்களிடம் விபரத்தை சொல்லி அனைவரையும் அழைத்துக்கொண்டு மாட்டினைப் பின்தொடர்ந்து சென்று ஓரு குறிப்பிட்ட இடத்தில் காராம்பசு பால் சொரிவதைக் காண்பித்தான். அனைவரும் இவ்வரிய நிகழ்ச்சியினை கண்ணுற்று மெய்சிலிர்ந்து நின்றார்கள். இது தெய்வத்தின் திருவிளையாடல் என்றெண்ணிக் கை௬ப்பித் தொழுதார்கள்.
 
 
மக்கள் அனைவரும் அவ்விடத்தைச் சுத்தம் செய்யுங்கால் கணங்குப்புற்கள் சூழ்ந்த புற்றும் அதனருகில் சுயம்புலிங்கத் திருவுருவம் வேங்கை மரத்தின் அடியில் இருப்பதைக் கண்டார்கள். அப்போது அக்௬ட்டத்தில் இருந்த ஓருவருக்கு அருள் உண்டாகி தான் கேரளா மாநிலம் வண்ணார்க்காடு (மண்ணார்க்காடு) என்ற ஊரிலிருந்து பொதிமாடுகளை ஓட்டிக்கொண்டு மைசூர் செல்லும் மக்களுக்கு வழித்துணையாக வந்தேன் என்றும் எழில் மிகுந்த இவ்வியற்கைச் சூழலில் தான் தங்கிவிட்டதாகவும், தன்னை இனிமேல் பண்ணாரி எனப் போற்றி வழிபட்டு வாருங்கள் எனவும் அருள் வாக்கில் கூறினார்.
 
அன்னையின் அருள் வாக்கு
 
 
அன்னையின் அருள் வாக்கின்படி அவ்விடத்தில் கணாங்குப் புற்கள் கொண்டு ஓரு குடில் அமைத்து கிராமிய முறைப்படி நாள்தோறும் பண்ணாரி அன்னையை வழிபட்டு வந்தனர். பின்பு ஊர் மக்களும், பெரியதனக்காரர்களும் அன்னையின் சிறப்புக்கருதி அன்னைக்கு விமானத்துடன் கூடிய சிறு கோயில் அமைத்து பத்மபீடத்துடன் திருவுருவம் அமைத்து வழிபட்டு வருகின்றனர். அம்பிகையை பயபக்தியுடன் சதா துதிக்கும் அன்பர்களுக்கு வேண்டியதை வேண்டிய வண்ணம் அருள் பாலிக்கிறாள். இதனால் பக்தர்கள் வந்து அபிஷேக ஆராதனைகள் செய்தும், பொங்கலிட்டும், முடிகளைந்தும் உருள்தண்டம் முதலியன செய்தும் வழிபடுகின்றனர். அமாவாசை, ஞாயிறு, திங்கள், செவ்வாய் மற்றும் வெள்ளி ஆகிய நாட்களில் பக்தர்கள் ஆயிரக்கணக்கில் திரண்டு வந்து அன்னையை வழிபட்டு மகிழ்ச்சியுடன் செல்கின்றனர்.
 
© 2011 Sri Bannari Amman Temple      | Home | Others | Contact Us